ملتقى العلم والمعرفة
 
الرئيسيةالمجلةالتسجيل التسجيلدخول

شاطر | 
 

 الاسباب الاساسيه لزعل الزوجه وحماتها والزوج كمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وردة
الأدارة
الأدارة
avatar

انثى الجوزاء

الديك
عدد المساهمات : 44
12/06/1981
تاريخ التسجيل : 02/01/2010
العمر 36

مُساهمةموضوع: الاسباب الاساسيه لزعل الزوجه وحماتها والزوج كمان   الأربعاء 3 فبراير 2010 - 14:50

الاسباب الاساسيه لزعل الزوجه وحماتها والزوج كمان








اخواتي الحبيبات

ايه سبب وجود مشكلة بين الحماة وزوجة الابن ؟؟؟

عشان نعالج اي مشكلة صح لازم نعرف اسبابها كويس وبعدين نعالج الاسباب دي تتحل المشكلة صح الكلام ؟؟؟؟؟؟؟؟؟؟؟
ممتاز جدا .....

الحقيقة انه مش سبب واحد الي ممكن يعمل توتر او مشاكل بين الحموات وزوجات الابناء ويشترك في الاسباب دي اطراف كتير ازاي ؟؟؟؟

نبدأ بالزوجة ....

بتدخل الزوجة الحياة الزوجية وهي عندها صورة سلبية عن الحماة يعني هي داخلة ومتوقعة الصدام من الاول وبطبيعة الحال مع اي مشكلة صغيرة تحصل المشكلة وتفضل تكبر طول ما الصورة السلبية موجودة

السبب التاني ان ممكن الزوجة بتحب زوجها جدا جدا ومش عاوزة حد يشاركها ابدا في حبه حتى ولو كان الحد ده هو الام الي ربت وكبرت وتعبت وسهرت

ممكن تكون الزوجة للاسف انانية ... بمعني انها مش بتستحمل ان زوجها يعطي امه شي او يساعد اخوته ماديا او حتى مساعدة بوقته الي الزوجة دي للاسف شايفة ان جوزها كله ملكها

ممكن تكون الزوجة طيبة جدا جدا ولكن مش عندها الذكاء الكافي في فهم حماتها وكسب قلبها بذكاء ومش بس قلب حماتها الذكاء الاكبر انها ازاي تكسب عقل حماتها كمان .....

في سبب تاني غريب جدا سبب للمشكلة بين الحماة وزوجة الابن وهو ام الزوجة لما تغير من معاملة بنتها الجيدة لحماتها وتشعر كدة ان السجادة بتسحب من تحت اقدامها وتبقى غيرة سلبية جدا

ومن الاسباب كمان السكن المشترك للزوجة مع حماتها وده طبعا ممكن يعمل مشاكل صغيرة تتراكم وتسبب مع الوقت مشاكل كبيرة

ممكن سبب كمان ان الزوجة للأسف لا تتقى الله في حماتها وتفتعل مشاكل غير حقيقية فقط لمجرد انها تسئ لحماتها وتشغل زوجها عن امه حتى ولو كانت الحماة ست طيبة ومش بييجي منها مشاكل

ومن الاسباب كمان للاسف لما تكون الزوجة انسانة سلبية يعني بتترك المشاكل مع حماتها لما تتفاقم دون ما تتدخل او تحاول تحلها باي طريقة لكن هي في طناش سلبي عجيب جدا وده طبعا هيصاعد المشاكل اكتر واكتر

من الاسباب ان تكون الزوجة طيبة جدا لكن ما بتقدرشي توصل وجهة نظرها مع حماتها صح وبالتالي دايما زوجها يفهمها غلط ويلقي عليها هي باللوم ويحملها هي سبب المشاكل

من الاسباب الخطيرة ان الزوجة تكون مش بتحب زوجها اصلا وبالتالي للاسف مش بتحب اي حد من طرفه حتى ولو كانت الحماة ست طيبة وواقفة معاها !!!!!!

اعتقد ان دي اغلب الاسباب الخاصة بالزوجة وبعدين نشوف اسباب الزوج واسباب الحماة نفسها وان شاء الله نشوف بقى الحل الجذري للتعامل مع الحماة بحب وسلام
يتبع

عشان الجنة كله يهوووووووووون
الرجوع الى أعلى الصفحة اذهب الى الأسفل
http://setalhosn.forumzen.com
 
الاسباب الاساسيه لزعل الزوجه وحماتها والزوج كمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Science, knowledge :: حياتك ست الحسن :: حياتك الزوجية ست الحسن-
انتقل الى: